Naqeeb Ullah Mehsood Qatal | Rao Anwaar Kahan Hain or Kis Say Anki Jaan Ka Khatra Hay

Aaj kal Karachi main 13 January ko honay walay naqeeb ullah mahsood k qatal ka buhat charcha hay. Ye qatal aik police officer SSP Rao anwaar k order per hua. Rao Anwaar wo police officer hain jo shoot and counter per believe kertay hian. Naqeeb ullah mahsood k qatal k baad puray Pakistan k log is jaali police muqablay k khilaf hain ho gay. Her taraf say Rao Anwaar k khilaf awaz uth gai. Yon to Karachi police nay hazaroon mawray Adalat qatal kiye mugger naqeeb ullah k qatal Adalat nay as khud notice lay liye or aik JIT bana di, first investigation report k mutabiq ye aik jaali police muqabla tha or as ka zimedar Rao anwaar tha. Adalat nay Rao anwar ko arrest ker k 30 January tuk court main paish kernay ka hokum day diya. Bus usi din say rao anwaar ghaieb hay. Baqool IG Sindh AD Khawaja k kisi ko bhi nahi pata k wo kahan hain unhain asman nigal gaya hay ya zameen kha gai hay, Yoon to Karachi ki police qabrustano , nadi naloon aur pani ki tankiyoon say mukhalif party ka aslaha to dhoond laity hay mugger nahi mil raha hay to bus khud ka aik police officer. Jo najanay kahan kho gaya hay , bazahir to unke gher per chapa bhi mara ja raha hay or poster bhi lagay ja rhay hain mugger haqeeqat to shaied yahi hay k Karachi police un ko support ker rahi hay, Adalat k baar baar bulanay k bawajood wo khamoosh hay or bhaga hua hay, yaani aik taraf to yahi police officers qoom ki hifazat k liye jaan dainay ki qasam khatay hain mugger dosri taraf dossron ki jaan buhat asani say lay laitay hain or phir jun apni jaan per banti hay to aik mafroor ki tarah chup jatay hain. Rao anwar ssp is say pehlay bhi kai baar Sindh govt k liye challenge ban chkukay hain laiken Sindh govt unka kuch nahi bigar saki. Or aaj bhi jub police bazahir unko dhoondh rahi hay yaqeenan wo kisi siyasi shakhsiyat ki pana gah main chup ker bethay hon gay kiyoon kaha jata hay k Asif Ali Zaradari say unke buhat qareebi relation hain. Naqeeb Ullah Mehsood ka qatal unke liye is waqt talkeef ka sabab to zaror hay mugger lagta hay Rao Anwar apnay relation use kernay ki koshish ker rahay hain. Isi liye court nay saaf kaha hay k rao Anwar jin k liye kaam kertay thay wo unko maar bhi saktay hian. Rao Anwar ko security ki zarorat hay worna ji khenay per unhoon nay naqeeb ullah mehsood ka mara hay wo log Rao anwar ko nahi chorrain gain.